En Rutas Meigas creamos experiencias únicas para peregrinos que desexan percorrer o Camiño de Santiago e viaxeiros que queiran explorar o norte de España e Portugal. Desde a nosa fundación en 1998, deseñamos e organizamos excursións e roteiros turísticos a medida para viaxes individuais e en grupo.
O noso principal obxectivo é garantir que calquera viaxe sexa unha experiencia máxica e se goce sen preocupacións:
1. Contamos cun teléfono de emerxencias 24 horas en español, inglés, alemán e italiano.
2. Estamos situados en Santiago de Compostela, the place to be para coñecer mellor que ninguén o que facemos.
3. A nosa forma de traballar está baseada na honestidade.
4. Flexibilidade para facer o roteiro segundo as preferencias dos nosos peregrinos e viaxeiros.
Como axencia retallista almacenista en liña (XG-500), ofrecemos servizos tanto a clientes finais como a outras axencias de viaxes nacionais e internacionais. Tamén organizamos viaxes para empresas que queiran realizar viaxes de negocios, incentivos, conferencias e reunións.
Énchenos de orgullo ser a primeira axencia de viaxes de Galicia en ofrecer excursións personalizadas para grupos pequenos de 2 a 8 persoas. Desde 1999 tamén incluímos o ENOTURISMO nos nosos roteiros por Galicia. Ademais, no ano 2000, fomos unha das primeiras empresas en apoiar aos peregrinos do Camiño de Santiago.
O noso radio de acción é cada vez maior e contamos con máis de 30 roteiros en Galicia, o que nos converte en especialistas e coñecedores dos lugares máis espectaculares que se poden visitar, onde a cultura, a natureza e a gastronomía fusiónanse de maneira excepcional.